Wikang Filipino, wika ng pagkakaisa

Ang wikang filipino ay kinikilalang wikang pambansa ng Pilipinas. Sa iba’t-ibang bahagi ng Pilipinas ay may iba’t-ibang  lengguahe ng mga tao, paano tayo magkakaintindihang lahat kung hindi natin gagamitin ang wikang Filipino? Ang wikang Filipino ay wika ng pagkakaisa, ginagamit ito sa pakikipagkomunikasyon sa iba’t-ibang bahagi ng Pilipinas.

Ang wika ay nakatali sa ating kultura at kung sino tayo. Ang pambansang wika ay nakakatulong upang tayo ay magkaisa. Ang ating pambansang  bayani, Si Jose Rizal, ay nagpahayag ng kahalagahan ng pag-ibig sa bansa sa pamamagitan ng pagmamahal sa ating wikang Filipino. Sinabi niya na “Ang hindi marunong magmahal sa sariling wika, ay mas masahol pa sa malansang isda”. Kailangan nating tangkilikin ang ating wika, ipagmalaki at gamitin ng tama tungo sa pagkakaisa.